Slim Kuns

Kombineer weggooigoed en optelgoed met konvensionele kunsmateriaal en omskep dit in uitstalgoed! Leer hoe om met dryfhout, herwinde blikkies en ander metaal- en glashouers, asook alledaagse items soos botteldoppies en gebruikte teesakkies kunswerke te skep wat in die beste galerye vertoon kan word. Vir beeldhoumateriaal is daar klei, draad en papierpap, gekombineer met boumateriaal soos sement, en handwerkelemente soos krale en goudblad, alles uniek en skeppend gekombineer. Die foto's van elke voltooide projek, aangevul deur duidelik geillustreerde stap-vir-stap aanwysings en verdere idees sal ongetwyfeld die kunstenaar in elke handwerker wakker maak en na 'n verfkwas laat gryp.